Ceredigion County Council website

Mae JDS Machinery Rali Ceredigion yn dychwelyd rhwng 4–6 Medi 2026, gan ddod â thri diwrnod o foduro o’r radd flaenaf i Geredigion a Phowys fel rhan o Bencampwriaeth Rali Ewrop yr FIA a Phencampwriaeth Rali Prydain.

Bellach wedi’i sefydlu’n gadarn fel uchafbwynt ar galendr moduro’r DU, mae’r digwyddiad yn arddangos tirweddau, cymunedau a busnesau’r rhanbarth ar lwyfan rhyngwladol.

Beth i’w ddisgwyl

• Digwyddiad tridiau gyda rhaglen estynedig ar draws Canolbarth Cymru
• Cynnwys ym Mhencampwriaeth Rali Hanesyddol Ewrop, gan ddod â cheir rali eiconig i’r rhanbarth

Dydd Iau 3 Medi
Bydd y sioe rali draddodiadol, sesiwn lofnodi ac y seremoni gychwyn yn cael eu cynnal ar Bromenâd Aberystwyth nos Iau.

Dydd Gwener 4 Medi
Bydd dydd Gwener yn dechrau gyda dau gylch llawn cyffro ar lwyfan stryd Aberystwyth, cyn symud ymlaen i ddau gymal yng nghefn gwlad Talybont a Phendam.

Dydd Sadwrn 5 Medi
Bydd dydd Sadwrn yn cynnwys cymalau o amgylch Llyn Brianne, Dyffryn Elan a Phontarfynach, yn y bore ac eto yn y prynhawn. Bydd ail-grwpio yn Rhaeadr Gwy, gan roi cyfle i’r cyhoedd ddod yn agos at y ceir a’r gyrwyr mewn adran ddi-gystadleuol. Bydd y dydd yn gorffen gyda rhediad dwbl arall ar lwyfan Aberystwyth.

Dydd Sul 6 Medi
Ar y diwrnod olaf, bydd dau gymal yn cael eu hailadrodd o amgylch Llanbedr Pont Steffan ac Aberaeron, gyda mannau ail-grwpio yn y ddwy dref, cyn i’r seremoni gloi gael ei chynnal yn ôl ar Bromenâd Aberystwyth.

Mae’r Cyngor yn gweithio’n agos gyda threfnwyr, partneriaid a’r gwasanaethau brys i sicrhau bod y digwyddiad yn ddiogel, wedi’i reoli’n dda ac yn fuddiol i bawb.

Cynllunio ymlaen llaw

Bydd manylion pellach, gan gynnwys gwybodaeth am y llwybr, amserlenni a chau ffyrdd, yn cael eu rhannu yn y misoedd nesaf i helpu trigolion ac ymwelwyr i gynllunio ymlaen llaw.

Anogwn bawb i:

• Gadw’n wybodus drwy ddiweddariadau’r Cyngor
• Cynllunio teithiau ymlaen llaw yn ystod wythnos y digwyddiad
• Dilyn canllawiau diogelwch wrth fynychu

Cymryd rhan

Mae sawl ffordd o gymryd rhan yn Rali Ceredigion:

• Mynychu fel gwyliwr gan ddefnyddio’r parthau cefnogwyr swyddogol
• Cefnogi busnesau lleol a digwyddiadau
• Fel busnes, bod yn rhan o ddathlu’r digwyddiad
• Cymryd rhan mewn gweithgareddau cymunedol a mentrau trefol
• Gwirfoddoli a bod yn rhan o’r digwyddiad

Bydd gweithgaredd ymgysylltu lleol yn dechrau cyn yr haf, gyda chyfleoedd i drigolion a busnesau gymryd rhan.

Cadw’n gyfredol

• Ewch i’r wefan swyddogol Rali Ceredigion
• Dilynwch Gyngor Sir Ceredigion a Rali Ceredigion ar y cyfryngau cymdeithasol
• Gwiriwch y dudalen hon yn rheolaidd am ddiweddariadau

Ydych chi’n fusnes ac eisiau cymryd rhan?

Bydd ein pecyn ymgysylltu busnes ar gael i’w lawrlwytho’n fuan.