Biniau ac Ailgylchu
Tywydd Eithafol - Gwastraff yn cael ei gasglu yn gynt.
Bydd ein criwiau casglu gwastraff ac ailgylchu yn dechrau eu gwaith am 6 yn y bore er mwyn osgoi’r tymheredd uchaf ar ddydd Mercher 23ain a Dydd Iau 24ain o Fehefin 2026.
Er mwyn sicrhau nad yw’r casgliad yn cael ei golli, gofynnwn yn garedig i drigolion roi eu gwastraff allan y noson cynt.
Cau Safle Gwastraff Cartref Glanyrafon – Dydd Sul 28 Mehefin 2026
Oherwydd Pencampwriaethau Beicio Cenedlaethol, bydd ffyrdd ar gau a chyfyngiadau mynediad yn effeithio ar Ystâd Ddiwydiannol Glanyrafon, sy'n golygu na fydd modd cael mynediad at y safle.
O ganlyniad, bydd Safle Gwastraff Cartref Glanyrafon ar gau ddydd Sul 28 Mehefin 2026. Cynlluniwch ymlaen llaw os oes angen i chi ymweld.
Bydd pob safle arall yn aros ar agor fel arfer, yn unol â'u horiau agor arferol.
Rydym yn ymddiheuro am unrhyw anghyfleustra a achosir ac yn diolch am eich dealltwriaeth.
Mae Cyngor Sir Ceredigion yn casglu gwastraff yn rheolaidd o bob eiddo domestig yn y Sir.
Rhoi gwastraff cartref allan i’w gasglu
- Dylai pob gwastraff gael ei gyflwyno ar fore’r casgliad cyn 8am
- Os ydych newydd symud i’r ardal, cysylltwch â ni am becyn ailgylchu
Mae gwybodaeth am y Gwasanaeth Casglu Gwastraff i’w gael drwy Fy Nghyfrif hefyd.
Gallwch gofrestri neu fewngofnodi drwy’r dudalen Fy Nghyfrif.
Mae’r gwasanaeth casglu gwastraff yn cael ei ddarparu rhwng 8yb a 4yp, fodd bynnag ceir adegau lle byddwn yn gweithio tu allan i’r oriau hyn. Felly, peidiwch â riportio fod eich bin heb gael ei gasglu tan y diwrnod ar ôl eich diwrnod casglu rheolaidd. Diolch.
Gwastraff sy’n gysylltiedig â salwch heintus
Rhowch eich gwastraff personol megis hancesi papur, cadachau glanhau tafladwy, gorchuddion wyneb tafladwy, menig tafladwy ac unrhyw gyfarpar diogelu personol (PPE) arall yn y gwastraff na ellir ei ailgylchu (“bag du”). Clymwch fag sbwriel ychwanegol o amgylch eich holl wastraff na ellir ei ailgylchu (bag du).
Pa ddiwrnodau fydd fy nghasgliadau i?
Gallwch ddefnyddio ein Chwilio Cod Post