Ceredigion County Council website

Beth yw Tŷ Gostyngiad ar Werth?

Mae Eiddo Gostyngiad ar Werth yn dai fforddiadwy a ddarperir drwy'r system gynllunio. Fe'u gwerthir am bris is na gwerth y farchnad i helpu aelwydydd cymwys i gael mynediad at berchentyaeth.

Mae'r gostyngiad yn aros ynghlwm wrth yr eiddo yn barhaol, gan sicrhau bod y cartref yn parhau'n fforddiadwy i brynwyr yn y dyfodol.

Pwyntiau Allweddol

• Fel arfer caiff ei werthu am 30% yn is na'i werth ar y farchnad
• Ar gael i breswylwyr lleol cymwys, gweithwyr allweddol, gofalwyr neu dderbynwyr gofal
• Mae'r gostyngiad yn aros ynghlwm wrth yr eiddo am ei oes gyfan
• Rhaid i brynwyr yn y dyfodol hefyd fodloni'r meini prawf cymhwysedd
• Mae angen prisiad annibynnol bob tro y gwerthir yr eiddo
• Rhaid i'r Cyngor gymeradwyo'r uchafswm pris gwerthu cyn y gellir cwblhau gwerthiant

A allaf wneud cais?

Gallech fod yn gymwys os:

• Nid ydych yn gallu cael morgais sy'n fwy na 10% yn uwch na'r pris prynu â gostyngiad
• Rydych yn bodloni'r gofyniad person lleol, gweithiwr allweddol, gofalwr neu dderbynnydd gofal
• Nid ydych yn berchen ar unrhyw gartref arall, yn gyfan neu'n rhannol, a bydd y cartref fforddiadwy yn brif gartref i chi.

Rhaid i chi fodloni pob un o'r tri maen prawf cymhwysedd a eglurir isod.

Gofynion Cymhwysedd

1. Cymhwysedd Ariannol

Rhaid i chi:

• Fod yn methu â chael morgais sy'n fwy na 10% yn uwch na'r pris prynu â gostyngiad
• Er enghraifft: Os yw'r pris prynu â gostyngiad yn £100,000, rhaid eich bod chi methu â chael morgais o £110,000 neu'n fwy.
• Darparu tystiolaeth o holl incwm yr aelwyd, gan gynnwys cyflogau, pensiynau a budd-daliadau
• Gallu darparu unrhyw flaendal sy'n ofynnol gan eich benthyciwr morgais
• Darparu tystiolaeth o sut y caiff unrhyw falans ei ariannu os yw eich morgais yn llai na 65% o'r pris prynu
• Darparu tystiolaeth ariannol ategol gyda'ch cais os yw ar gael. Gallwch gyflwyno eich cais cyn bod gennych bob dogfen, ond rhaid darparu unrhyw dystiolaeth sy'n weddill cyn gynted â phosibl. Ni allwn asesu eich cais yn llawn nes bod yr holl wybodaeth ofynnol wedi'i derbyn

Tystiolaeth Ategol

➡ Dogfennau sydd eu hangen i brofi Cymhwysedd Ariannol

2. Person Lleol, Gweithiwr Allweddol, Gofalwr neu Dderbynnydd Gofal

Rhaid i chi fodloni un o'r meini prawf canlynol.

Person Lleol

Rydych wedi byw yng Ngheredigion, neu mewn ardal Cyngor Tref neu Gymuned gyfagos, am gyfnod di-dor o o leiaf 5 mlynedd ar unrhyw adeg yn ystod eich oes.

Mae rhai tai hŷn yn gofyn am 10 mlynedd o breswylio yng Ngheredigion yn ystod yr 20 mlynedd ddiwethaf.

Gofyniad Gofalwr neu Dderbynnydd Gofal

Mae angen i chi fyw yng Ngheredigion er mwyn:

• Darparu gofal rheolaidd a sylweddol i berthynas agos; neu
• Dderbyn gofal rheolaidd a sylweddol gan berthynas agos.

Rhaid i'r perthynas agos fodloni'r gofyniad Person Lleol ei hun, a rhaid i'w dŷ fod yn anaddas (naill ai fel y mae neu hyd yn oed gydag estyniad) i letya'r aelwyd gyfunol.

Gweithiwr Allweddol

Rhaid i chi:

• Fod yn gweithio yng Ngheredigion neu fod ar fin dechrau gweithio yng Ngheredigion
• Dal swydd barhaol
• Gweithio o leiaf 35 awr yr wythnos

Gall galwedigaethau cymwys gynnwys:

• Athrawon
• Darlithwyr addysg bellach
• Nyrsys a gweithwyr iechyd proffesiynol medrus y GIG
• Swyddogion yr Heddlu
• Gweithwyr y Gwasanaeth Prawf
• Diffoddwyr tân
• Gweithwyr cymdeithasol
• Seicolegwyr addysgol
• Therapyddion galwedigaethol a gyflogir gan yr awdurdod lleol

Gall galwedigaethau eraill fod yn gymwys os ydynt yn darparu gwasanaeth hanfodol ac os yw recriwtio yng Ngheredigion wedi profi'n anodd.

Tystiolaeth Ategol

➡ Dogfennau sydd eu hangen i brofi Cysylltiad Lleol, Statws Gweithiwr Allweddol neu Ofalwr

3. Gofyniad Preswylfa Sengl

Rhaid i chi:

• Fyw yn y tŷ fel eich unig gartref neu'ch prif gartref
• Peidio â bod yn berchen ar unrhyw dŷ preswyl arall

Tystiolaeth Ategol

➡ Dogfennau sydd eu hangen i brofi Preswylfa Sengl

Ceisiadau ar y Cyd

Ar gyfer ceisiadau ar y cyd:

• Dim ond un ymgeisydd sydd angen bodloni'r gofyniad person lleol, gweithiwr allweddol, gofalwr neu dderbynnydd gofal
• Rhaid i bob ymgeisydd fodloni'r gofynion Cymhwysedd Ariannol a Phreswylfa Sengl

Pwysig: Rhaid i unrhyw un a fydd wedi'i enwi ar weithred drosglwyddo'r tŷ fodloni'r gofynion Cymhwysedd Ariannol a Phreswylfa Sengl, ni waeth os ef neu hi yw'r ymgeisydd sy'n bodloni'r maen prawf person lleol, gweithiwr allweddol, gofalwr neu dderbynnydd gofal.